ആസ്മ/അലര്‍ജി - അറിഞ്ഞിരിക്കേണ്ട കാര്യങ്ങള്‍

പ്രമേഹത്തിന്റെ കാര്യത്തിലെന്നപോലെ ഇന്ന് ലോകത്തെല്ലായിടത്തും കുഞ്ഞുങ്ങളടക്കം വളരെ പ്രായമായവര്‍ വരെ അനുഭവിക്കുന്ന ഒരു രോഗമാണ് ആസ്മ. World Health Organization ന്റെ കണക്കു പ്രകാരം ഇന്ന് ലോകത്തില്‍ 30 കോടി ജനങ്ങള്‍ ഇത് അനുഭവിക്കുന്നു. ഇന്ത്യയില്‍ തന്നെ രണ്ടര മൂന്നു കോടിയോളം ജനങ്ങള്‍ കഷ്ടപ്പെടുന്നു. പാരമ്പര്യം ഒരു കാരണം ആണെങ്കിലും അല്ലര്‍ജി ശരിയായി ചികിത്സിക്കാതെ  വിട്ടാലും ആസ്മ ഉണ്ടാകാം. മുന്‍കാലങ്ങളില്‍ ആസ്മ ഉള്‍പ്പെടെ ഉള്ള അലര്‍ജിരോഗങ്ങള്‍ മനുഷ്യനെ വളരെ കഷ്ടപ്പെടുത്തിയിരുന്നു. ഇന്ന് മെഡിക്കല്‍ സാങ്കേതിക വിദ്യ പുരോഗമിച്ചതോടെ ഇതൊരു പ്രശ്നമല്ലാതായിത്തീര്‍ന്നിരിക്കുന്നു.

ശ്വാസനാളി & ശ്വാസകോശം - ലഖു വിവരണം  

ശ്വസനനാളി (trachea ) തരുണാസ്ഥികളും  ഫൈബര്‍ കോശങ്ങളും (Collagen and Elastin )  കൊണ്ടുടാക്കിയതാണ്. ഇതിനു  11 cm നീളവും 2 cm വ്യാസവുമുണ്ട്. ശ്വാസ നാളിയും ശ്വാസകോശവും മുഴുവന്‍  കാപ്പില്ലരികള്‍ എന്ന രക്തവ്യാഹക വ്യൂഹം നിലനില്‍ക്കുന്നു. ശ്വാസനാളി താഴേക്കു വന്നു താഴെ ശ്വാസകോശത്തിലേക്ക് രണ്ടു ശാഖ (bronchi ) കളായി തിരിയുന്നു. ഇത് വീണ്ടും മുന്തിരിക്കുല പോലുള്ള ശാഖകളായി തിരിയുന്നു. ഈ മുന്തിരി പോലുള്ള കൂട്ടത്തിനു മുന്തിരിക്കുല യുണിറ്റ് എന്ന് പറയുന്നു. ഓരോ യുണിറ്റിലും ആള്വിയോളുകള്‍ (alveoli ) എന്ന ചെറിയ ചെറിയ വായു അറകളായി രൂപപ്പെട്ടിരിക്കുന്നു.  ഒരു കുഞ്ഞു ജനിക്കുമ്പോള്‍ ആ കുഞ്ഞിന്റെ ശ്വാസകോശത്തില്‍  20 മില്യണ്‍ ആള്വിയോളുകള്‍ ഉണ്ടായിരിക്കും. പത്തു വയസ്സാകുമ്പോള്‍ ഇത് 300 മില്യണ്‍ ആയിത്തീരുന്നു. പിന്നെ മരണം വരെ ആ എണ്ണം കൂടുന്നില്ല.  ആള്വിയോളുകള്‍ക്കുള്ളില്‍ സോപ്പ് പാടപോലുള്ള പാടകൊണ്ടുണ്ടാക്കിയ  ചെറു കുമിളകള്‍ ഉണ്ട്. ഇതിനു താങ്ങുംകുമിള (supporting bubble ) എന്ന് പറയുന്നു.  എത്ര ശക്തിയായി

നിശ്വാസം എടുത്താലും ശ്വാസകോശം ചുരുങ്ങി ചുരിങ്ങി 110 മൈക്രോണ്‍ വരെ എത്തുമ്പോള്‍. ആ കുമിള ചുരുങ്ങല്‍ നിര്‍ത്തും. അങ്ങിനെ ഒരു നിശ്ചിത അളവ് വായു  എപ്പോഴും ശ്വാസ കോശത്തില്‍ കാണും. അങ്ങിനെയൊരു സംവിധാനം ഇല്ലായിരുന്നെങ്കില്‍ ഓരോ തവണ ശ്വാസം എടുക്കുമ്പോഴും നാം ശ്വാസം മുട്ടി ആസ്മ രോഗികള്‍ ആയേനെ. എങ്കിലും ഒരു കാര്യം നാം ഓര്‍ക്കുക, ഓരോ തവണ ശ്വാസം എടുക്കുമ്പോഴും ശ്വാസകോശത്തിന്റെ അഞ്ചിലൊന്ന് പോലും നിറയുന്നില്ല.  അതായതു  നമ്മുടെ ശ്വാസകോശം മിക്കവാറും പട്ടിണിയിലാണ് എന്ന് അര്‍ത്ഥം. അതിനാണ് വ്യായാമം, അല്ലെങ്കില്‍ ശ്വസനവ്യായാമം അല്ലെങ്കില്‍ വല്ലപ്പോഴും ദീര്ഖനിശ്വാസം എങ്കിലും ചെയ്യണം എന്ന് പറയുന്നത്.

എന്താണ് ആസ്മ

ശ്വാസ കോശത്തിലേക്കും തിരിച്ചും വായു കൊണ്ടുപോകുന്ന കുഴലിനെ (ശ്വാസ നാളി) ബാധിക്കുന്ന ഒരു രോഗമാണിത്. ആസ്മയുണ്ടാകുമ്പോള്‍ ശ്വസനാളിക്ക് ചുറ്റുമുള്ള പേശികള്‍  വലിഞ്ഞു മുറുകുകയും ശ്വാസനാളി സങ്കോചിക്കുകയും ചെയ്യുന്നു.  ഈ സമയത്ത് ആവശ്യത്തിനു വായു ശ്വാസകോശത്തില്‍ എത്തുന്നില്ല. അപ്പോള്‍ ശ്വാസം മുട്ടല്‍. ശ്വാസംമുട്ടല്‍ അനുഭവപ്പെടുന്നു ഇതാണ് ആസ്മ.

ആസ്മയുടെ ലക്ഷണങ്ങള്‍

1 ) നെഞ്ചില്‍ വലിഞ്ഞുമുറുക്കം. നെഞ്ചില്‍ ആരെങ്കിലും അമര്‍ത്തുകയോ ഭാരം കയറ്റിവെച്ചപോലെയോ അനുഭവപ്പെടുക.

2 ) ശ്വാസം എടുക്കാന്‍ ബുദ്ധിമുട്ടുക

3 ) ശ്വാസം വെലീലേക്ക് എടുക്കുമ്പോള്‍ ശബ്ദം

4 ) ആവര്‍ത്തിച്ചുള്ള ചുമ, പ്രത്യേകിച്ചു രാത്രിയില്‍

5 ) വ്യായാമ സമയത്തോ സ്പീഡില്‍ നടക്കുമ്പോഴോ ശ്വാസം മുട്ടുക

6 ) രാത്രി ഉറക്കം ചുമ കാരണം പ്രശ്നമാകുന്നു.

വ്യക്തികള്‍‍ക്കനുസരിച്ച ലക്ഷണങ്ങളില്‍ അല്പം വ്യത്യാസം വരാം.

ആസ്മയുടെ കാരണങ്ങള്‍

1 ) വൈറസ് ഇന്‍ഫെക്ഷന്‍ , ബാക്ടീരിയ, ഫംഗസ്, പരാദങ്ങള്‍ മുതലായവ.

2 ) പൊടി, രോമം, പരാഗം (pollen ) തുടങ്ങിയ അലര്‍ജനുകള്‍

3 ) അന്തരീക്ഷ മലിനീകരണം, സിഗരറ്റ് പുക, തണുത്ത കാറ്റ് മുതലായവ.

4 ) അന്തരീക്ഷ താപ വ്യത്യാസം, തണുത്ത കാലാവസ്ഥ

5 ) കൂടുതല്‍ ദുഃഖം, ആകാംഷ, കൂടുതല്‍ ചിരിക്കല്‍ (കൂടുതല്‍ ചിരി അല്പം അലര്‍ജിക്ക് ആസ്മക്കാര്‍ക്ക് മാത്രം പ്രശ്നം ആണ്)

6 ) അസിഡിറ്റി മൂലം ശ്വാസനാളിക്കുനാകുന്ന നിര്‍ജലീകരണം ( gastro-oesophageal reflux) 

7 ) വിവിധതരം അലര്‍ജി, സൈനുസൈടിസ്

8 ) പെട്ടെന്നുള്ള വികാര ക്ഷോപം 

9 ) വാത രോഗങ്ങള്‍ക്കും രക്തസമ്മര്‍ദ്ധത്തിനും കഴിക്കുന്ന ചില മരുന്നുകള്‍

10 ) പാരമ്പര്യം

ചില കാര്യങ്ങള്‍ ശ്രദ്ധിക്കുക

1 ) ആസ്മയുള്ളവര്‍ അധികം തണുത്ത സ്ഥലത്ത് ഇരിക്കരുതെ

2 ) കഴിവതും പൊടിയോ അന്തരീക്ഷ മലിനീകരണമോ ഇല്ലാത്ത സ്ഥലത്ത് കഴിയുക

3 ) നല്ല കാറ്റും വെളിച്ചവും കിട്ടുന്ന മുറിയില്‍ കഴിയുക

4 ) ഭക്ഷണങ്ങള്‍‍/വെള്ളം ഇവ വളരെ തണുത്തത് കഴിക്കരുതെ

5 ) അധികവികാര ക്ഷോപം ഇല്ലാതിരിക്കാന്‍ ശ്രമിക്കുക

6 ) അലര്‍ജനുകളില്‍ (triggers ) നിന്നും അകന്നിരിക്കുക

7 ) വീട്ടിലും പ്രത്യേകിച്ചു ബെഡ് റൂമില്‍ അധികം പൊടിയില്ലാതെ ശ്രദ്ധിക്കുക, തുണികള്‍ ബെഡ് ഷീറ്റുകള്‍ കഴുകി വെയിലത്തിട്ടുണക്കി ഉപയോഗിക്കുക. ആശ്ചയിലൊരിക്കല്‍ ബെഡ്ഷീറ്റ് കഴുകി ഉണക്കുക. ഇത് bed mug  ഉണ്ടാകാതിരിക്കാന്‍ സഹായിക്കും.

8 ) പൂക്കളുണ്ടാകുന്ന ചെടികള്‍ ബെഡ് റൂമില്‍ വെയ്ക്കാതിരിക്കുക

ആസ്മയുള്ളവര്‍ മാത്രമല്ല അലര്‍ജിയുള്ളവര്‍ക്കും മുകളില്‍ കൊടുത്തിരിക്കുന്ന കാര്യങ്ങള്‍ പാലിക്കുന്നത് നല്ലതാണ്.  സാധാരണ ആള്‍ക്കാര്കിതൊന്നും നോക്കണ്ട. പക്ഷെ പ്രതിരോധശക്തി കുറവുള്ളവര്‍ക്ക് രോഗങ്ങള്‍ പെട്ടെന്ന് വരും. അവര്‍ക്കും ഇത് നല്ലതാണ്.

അല്ലര്‍ജിയും ആസ്മയും

രണ്ടുതരം ആസ്മയുണ്ട്. ഒന്ന് പാരമ്പര്യമായി ഉണ്ടാകുന്നത്. രണ്ട് അലര്‍ജി വഴി ഉണ്ടാകുന്നത്. അലര്‍ജിയെ നാം വേണ്ട വിധത്തില്‍ നിയന്ത്രിച്ചില്ലെങ്കില്‍

അത് ആസ്മയായിത്തീരാം. ഇവിടെ അതിനെ Asthma triggered from allergans  എന്ന് നമുക്ക് പറയാം. ജീവിതത്തില്‍ ഏതെങ്കിലും വസ്തുക്കളോടോ ഭക്ഷണത്തോടോ അലറ്ജിയുന്ടെങ്കില്‍ അതിനെ നിര്‍മാര്‍ജനം ചെയ്യണം. അല്ലെങ്കില്‍ അത് കൂടി പ്രശ്നമാകും. അലര്‍ജിയുള്ളവര്‍ക്കെല്ലാം ആസ്മയുണ്ടാകണം  എന്നില്ല.  ചില മനുഷ്യര്‍ക്ക്‌ ഒന്നോ രണ്ടോ വസ്തുക്കളോട് അലര്‍ജി ഉണ്ടാകാം ചിലര്‍ക്ക് ഒന്നില്‍ കൂടുതലും. ഉദാ: എന്റെ തന്നെ അനുഭവം നോക്കുക;

1998 ന്റെ തുടക്കം. എനിക്ക് അലര്‍ജി തുടങ്ങി. ശരീരം മുഴുവന്‍ ചൊറിഞ്ഞ്, തടിച്ചു, ത്വക്ക് ചുവന്നു വരുമായിരിന്നു. ചില ഭക്ഷണങ്ങളും പൊടിയുമായിരിന്നു അലര്‍ജനുകള്‍ . പല മരുന്നും പരീക്ഷിച്ചു. അവസാനം Skin Prick Test  നടത്തി. അപ്പോള്‍ മനസ്സിലായി പലതരം പൊടികളും, ഭക്ഷണങ്ങളും അലര്‍ജനുകള്‍ ആയിരുന്നു എന്ന്.  36 ഐറ്റംസ് എനിക്ക് അലര്‍ജനുകള്‍ ആയിരിന്നു.   കടല, പരിപ്പ്, പാല്‍, പഴം, വീട്ടുപൊടി, കടലാസ് പൊടി അങ്ങിനെ പലതും എനിക്ക് പ്രശ്നമായിരുന്നു. ആറു മാസത്തോളം കഷ്ടപ്പെട്ടു. അലോപതി, ആയൂര്‍വേദം അങ്ങിനെ പലതും നോക്കി ഒരു കുറവും ഇല്ലായിരിന്നു. അവസാനം homeopathy പരീക്ഷിച്ചു. ഏതായാലും ആറു മാസത്തെ ചികിത്സകൊണ്ട് അലര്‍ജി മുഴുവനായും മാറി. അതിനു ശേഷം തിരിഞ്ഞുകടിക്കാത്ത എന്തും കഴിക്കാം എന്നായി. എനിക്കൊരു കാര്യം മനസിലായി അലര്‍ജി  രോഗങ്ങള്‍ക്ക് homeopathy നല്ലതാണെന്ന്.  എല്ലാ രോഗങ്ങള്കും നല്ലതല്ല.  

  

എന്താണ് അലര്‍ജി

നിരുപ്ദ്രവങ്ങളായ വസ്തുക്കളോട് ശരീരത്തിലെ പ്രതിരോധ സംവിധാനത്തിനുണ്ടാകുന്ന അമിത പ്രതികരണമാണ് അലര്‍ജി.  പൂമ്പൊടി, പൊടി, പരാഗങ്ങള്‍, സോപ്പ് പോലുള്ള വസ്തുക്കളോട് ചിലര്‍ക്ക്  അലര്‍ജി ഉണ്ടാകുക സ്വാഭാവികമാണ്. എങ്കിലും പ്രകൃത്യ ഉള്ള പ്രതിരോധ ശക്തി നേടി അലര്‍ജിയില്‍ നിന്ന് രക്ഷ നേടണം. ഒരു വസ്തു അലര്‍ജന്‍ ആണെന്നറിഞ്ഞു അത് ഉപയോഗിക്കാതിരിക്കുക ആണ് നല്ലതെന്ന് അലോപതി മെഡിസിന്‍ പറയുന്നു. പക്ഷെ അപ്പോള്‍

അത് ജീവിതത്തില്‍ മരണം വരെ അലര്‍ജന്‍ ആയി തുടരും. അപ്പോള്‍ നല്ല ചികിത്സ നേടി (എന്റെ അനുഭവം ഞാന്‍ വിവരിച്ചു മുകളില്‍) അവയോടുള്ള അലര്‍ജി ഇല്ലാതാക്കുക. പക്ഷെ ഒഴിവാക്കാന്‍ പറ്റുന്ന ചിലവ, അതായതു പൂച്ചയുടെയും പട്ടിയുടെയും രോമം, വീടിനുള്ളിലെ പൊടികള്‍ ഇവ ഒഴിവാക്കുക. അലര്‍ജനുകള്‍ ശരീരത്തില്‍ എത്തുമ്പോള്‍ രക്തത്തിലെ വെളുത്ത രക്താണുക്കള്‍ ആയ  ഈസ്നോഫില്‍ (eosinophil),  ബസോഫില്‍

( basophil ), അതിന്റെ കൂടെ histamine എന്ന രാസവസ്തു ഒരു Neurotransmitter ആയി പ്രവര്‍ത്തിച്ചു  മാസ്റ്റ് കോശങ്ങള്‍ (mast  cells ) രൂപപ്പെടുന്നു, കൈകൊണ്ടു ചൊറിയുമ്പോള്‍ അത് പൊട്ടി അതിലെ രാസവസ്തുക്കള്‍ പുറത്തു വന്നു അത്  ചൊറിച്ചില്‍ ഉണ്ടാക്കുന്നു.  തടിപ്പും, ചുവപ്പും ഉണ്ടാകുന്നു.  ആള്വിയോളുകള്‍ക്ക് അലര്‍ജന്‍ മൂലം ചുരുങ്ങുന്ന സ്വഭാവം ഉള്ളത് കൊണ്ട്, ഈ അലര്‍ജിക് പ്രവര്‍ത്തനങ്ങള്‍ അലര്‍ജിക് ആസ്മയാകാന്‍ സാധ്യത ഏറെയാണ്‌.

 അലര്‍ജിയെക്കുറിച്ച് കൂടുതല്‍  വിവരിച്ചാല്‍ ലേഖനം വീണ്ടും വലുതാകുമെന്നതിനാല്‍ കൂടുതല്‍ വിവരിക്കുന്നില്ല.

ആസ്മ/ അലര്‍ജി എങ്ങിനെ കുറയ്ക്കാം

പാരമ്പര്യം വഴിയല്ലാത ആസ്മയ്ക്ക് അലര്‍ജി വസ്തുക്കള്‍ ഒഴിവാക്കി രക്ഷ നേടാം. താഴെപ്പറയുന്നവ ആസ്മയ്ക്കും അലറ്ജിക്കും പൊതുവേ കാരണമാകുന്നു. അത് ഒഴിവാക്കുക;

1 ) അലര്‍ജനുകള്‍ (triggers പൂപ്പല്‍, പായല്‍, പരാദങ്ങള്‍, പൊടി, രോമം, ചില ഭക്ഷണങ്ങള്‍, അന്തരീക്ഷ മലിനീകരണം, ദുഃഖം) ഇവ ഒഴിവാക്കുക.  ഇവകൊണ്ട് ആസ്മയോ അലര്‍ജിയോ മാറിയില്ലെങ്കില്‍ ഉടനെ ഡോക്ടറെ സമീപിക്കുക. (എന്റെ അനുഭവത്തില്‍ ഇതൊന്നും അറിയില്ലായിരിന്നു. Skin Prick Test നടത്തി അറിഞ്ഞു വന്നപ്പോള്‍ medication എടുക്കാതെ നിവൃത്തിയില്ല എന്നും വന്നു. അതുകൊണ്ട് അലര്‍ജി കൂടി ആസ്മ ആകുന്നതിനു മുമ്പ് അലര്‍ജിയെ ഉന്മൂലനം ചെയ്യുക)

2 ) ശരിയായ മരുന്ന് ചികിത്സ ( right medication ) ചെയ്യുക.

3 ) നല്ല ഒരു സ്പെഷലിസ്റ്റ് ഡോക്ടറെ കാണുക.

ഡോക്ടര്‍മാരെ കാണുമ്പോള്‍ നല്ല ഡോക്ടറെ മാത്രം സമീപിക്കുക. BAMS , BHMS ബോര്‍ഡും വെച്ച് അലോപ്പതി മരുന്ന് കൊടുക്കുന്ന വളരെ ഏറെ ഡോക്ടര്‍മാര്‍ ഇന്നുണ്ട്.  പ്രത്യേകിച്ച് കേരളത്തിനു വെളിയില്‍. കേരളത്തില്‍ ഉണ്ടോ ഇല്ലയോ എന്ന് വ്യക്തമല്ല.  അവര്‍ ‍ എന്തുകൊണ്ട് ആയൂര്‍വേദ/ഹോമിയോ  മരുന്ന് കൊടുക്കുന്നില്ല. പെട്ടെന്നുള്ള എഫെക്റ്റ് കിട്ടാന്‍ വേണ്ടി അല്ലാതെന്താണ്? പക്ഷെ അവരുടെ ആ പ്രവര്‍ത്തി വെറും പരിശീലനം കൊണ്ട് മാത്രമാണ്. സത്യത്തില്‍ ഇങ്ങ്ലീഷ്‌ മരുന്നില്‍ ഗവേഷണം MBBS കാര്‍ ചെയ്യുന്നത് പോലെ ചെയ്തിട്ടല്ലേ അവരും അത് ചെയ്യേണ്ടത്. ആയൂര്‍ വേദത്തിന്റെ/ ഹോമിയോയുടെ  മഹത്വം ഈ വഴിയിലും ഇല്ലാതാകുന്നു എന്ന് വേണം പറയാന്‍. എന്റെ അഭിപ്രായത്തില്‍ ആയൂര്‍ വേദത്തില്‍ കേവലം കഫം, വാതം, പിത്തം ഇതിനെ അടിസ്ഥാനമാക്കിയുള്ള ചികിത്സക്കപ്പുറം, കൂടുതല്‍ ഗവേഷണം വേണം. കൂടുതല്‍ ഫലങ്ങള്‍ അതിലൂടെ നേടാന്‍ സാധിക്കും. ഇന്ത്യയുടെ മഹത്വവും ലോകം അറിയും. പക്ഷെ പണം എന്ന ഒറ്റ ലക്ഷ്യമേ ഉള്ളൂ എങ്കില്‍ ഈ മൂല്യങ്ങള്‍ നില നില്‍ക്കുമോ എന്നാണു എന്റെ സംശയം.

ആസ്മയും അലര്‍ജിയും കുറയ്ക്കാം എന്ന് പറഞ്ഞു വളരെയേറെ ഉത്പന്നങ്ങള്‍ (പങ്കജ കസ്തൂരി പോലുള്ളവ) ഇന്ന് ഇറങ്ങുന്നുണ്ട്. പക്ഷെ ആയൂര്‍വേദമാണെങ്കിലും ഇതൊക്കെ തല്‍കാല ആശ്വാസമേ നല്‍കുകയുള്ളൂ. ഏതു വൈദ്യ ശാസ്ത്ര ശാഖയാണെങ്കിലും  നല്ല വൈദ്യനെ, അല്ലെങ്കില്‍ ഡോക്ടറെ നേരില്‍ കണ്ടു ചികിത്സ നേടണം.  ശരിയായതും ചിട്ടയായതും ആയ ജീവിതരീതി കെട്ടിപെടുത്തി പല രോഗങ്ങളെയും തുരത്താന്‍ പറ്റും. പറ്റുമെങ്കില്‍ എന്നും വിശ്രമ സമയങ്ങളില്‍ ദീര്‍ഖനിശ്വാസം എടുക്കുക. പ്രാണായാമം ചെയ്യുക തുടങ്ങിയവ ശീലമാക്കുക.  ചിരി നല്ല ഒരു വ്യായാമം ആണെങ്കിലും, ചിരി ക്ലബിലെ കൃത്രിമ ചിരി യഥാര്‍ഥചിരിയുടെ ഗുണം തരില്ല.

ഒരു ഡോക്ടറിന്റെ അടുത്തു പോകാതിരിക്കത്തക്കവിധം, നല്ല ജീവിത ശൈലി നമുക്ക് പടുത്തുയര്‍ത്താം.  അതിനു ഞാന്‍ ചെയ്യുന്ന ചില കാര്യങ്ങള്‍ നോക്കുക;

1 ) രാവിലെ അര മണിക്കൂര്‍ വ്യായാമം, അല്ലെങ്കില്‍ നടപ്പ്.

2 ) ചെവി,  കഴുത്ത്, ശ്വാസകോശം, കൈകാലുകള്‍, സന്ധികള്‍, നടുവ് എല്ലാ ഭാഗങ്ങള്ക്കും പ്രത്യേകം വ്യായാമം

3 ) എന്നും എന്തെങ്കിലും പഴവര്‍ഗം കഴിക്കുക, മിതമായി ഭക്ഷണം, ഇടനേരം ഭക്ഷണം വേണ്ട. നോണ്‍ വെജ് ആണെങ്കിലും ഭക്ഷണത്തില്‍ എപ്പോഴും ഒരു വെജ് നിര്‍ബന്ധം.  

4 ) ചെറിയ പനി, സൈനുസൈറ്റിസ്, ടോന്സിലിലൈറ്റിസ്, ജലദോഷം, തലവേദന, ഇവയുണ്ടായാല്‍,  വെള്ളം തിളപ്പിച്ച്‌ രണ്ടു നേരമെങ്കിലും പത്തു പതിനഞ്ചു മിനിട്ട് ആവി പിടിക്കുക. രണ്ടു ദിവസം ഇത് തുടരും മൂന്നാം പൊക്കം എല്ലാം OK . മൂന്നാം പൊക്കവും കുറവില്ലെങ്കില്‍ മനസ്സിലാകും ഇവന്‍ ബാക്ടീരിയ അല്ല വൈറസ് തന്നെ. ഇവന് ആന്റി ബൈഒട്ടിക് തന്നെ വേണം. ഉടനെ  ഫാമിലി ഡോക്ടറിന്റെ അടുത്തു പോകും.

5 ) പത്തോ പതിനഞ്ചോ മിനിറ്റ് നടക്കാനുള്ളതാണെങ്കില്‍ ഒരിക്കലും ഓട്ടോയോ, ബസ്സോ പിടിക്കില്ല.

6 ) മനസ്സിന് ബലം കിട്ടാന്‍ നല്ല സംഗീതം കേള്‍ക്കും, താളമുള്ള കവിത കേള്‍ക്കും, കവിത ചൊല്ലും, മനസ്സ് തുറന്നുള്ള ചിരി, തമാശ കേള്‍ക്കുക,  തമാശയുള്ള സിനിമ കാണുക, പിന്നെ എഴുത്ത്, വായന  തുടങ്ങിയവ.

7 ) ശവാസനം, പ്രാണായാമം തുടങ്ങിയ ചിലവ.

ഇനിയും കൂടുതല്‍ വിവരിച്ചാല്‍ ലേഖനം വലുതാകും എന്നതിനാല്‍ ചുരുക്കുന്നു.

ഗ്യാസ്/ അസിഡിറ്റി ഇവ എങ്ങിനെ കുറയ്ക്കാം

സമൂഹത്തില്‍ വായു കോപം (ഗ്യാസ് ട്രബിള്‍) ജീവിതത്തില്‍ ഒരിക്കലെങ്കിലും ഉണ്ടാകാത്ത മനുഷ്യര്‍ ചുരുക്കമാണ്. ഏതു കാര്യത്തിനും ഒരു പോസിടീവും ഒരു നെഗടീവും ഉണ്ടെന്ന കാര്യം ഇവിടെ പ്രസക്തമാണ്. ഇവയുടെ രണ്ടിന്റെയും മധ്യത്തില്‍ പോകുന്നവരാണ് എല്ലാ കാര്യത്തിലും വിജയിക്കുന്നത്. ഇവയുടെ രണ്ടിന്റെയും മധ്യത്തില്‍ ഏതു കാര്യത്തിലും moderate ആയി ജീവിക്കുന്നവര്‍ ആണ് ഈ ലോകത്തില്‍ ആയുസ്സും ആരോഗ്യവും കൂടുതല്‍ ഉള്ളവര്‍. ചിലര്‍ ഉണ്ട് എല്ലാ കാര്യത്തിലും വലിയ extreme രീതി കാണിക്കുന്നവര്‍. അവരുടെ ആരോഗ്യവും അതുപോലെ പെട്ടെന്ന് ഇല്ലാതാകും. അതുപോലെ തന്നെ ചിലര്‍ moderate ലെവെലിനു താഴെയായിരിക്കും. അതായത് എല്ലാത്തിലും തണുപ്പന്‍ മട്ട്. അവരുടെ ആരോഗ്യവും അതുപോലെ തന്നെ കുറവായിരിക്കും. അപ്പോള്‍ moderate ലെവല്‍ ആണ് നമുക്ക് നല്ലത്.

വായു കോപം അല്ലെങ്കില്‍ ആസിഡിറ്റി നമുക്ക് നമ്മുടെ നിയന്ത്രണത്തില്‍ നിര്‍ത്തണമെങ്കില്‍ നാം moderate ആയ ആഹാര സാധനങ്ങള്‍ കഴിക്കണം. കുറച്ചെങ്കിലും വ്യായാമമോ ജോലിയോ ചെയ്യണം. നാം നിത്യം കഴിക്കുന്ന ആഹാരത്തില്‍ സാധാരണ രണ്ടു തരം രസങ്ങള്‍ ആണുള്ളത്. അതായതു അമ്ലവും ക്ഷാരവും. മുകളില്‍ പറഞ്ഞത് പോലെ ഇവയുടെ സമതുലനാവസ്ഥ നില നിര്‍ത്തുകയും ചെയ്യുന്നതോടൊപ്പം അല്‍പസമയം വ്യായാമം കൂടി ചെയ്‌താല്‍ ഗ്യാസിന്റെ ഉപദ്രവത്തില്‍ നിന്നും നമുക്ക് രക്ഷ പെടാം. എന്നാല്‍ എങ്ങിനെയാണ് ഈ സമതുലനാവസ്ഥ നില നിര്‍ത്തേണ്ടത്? നാം കഴിക്കുന്ന ആഹാരത്തില്‍ അമ്ലം ക്ഷാരം എന്നീ രണ്ടു രസങ്ങള്‍ ഉണ്ട്. ഗ്യാസ് ഉടലെടുക്കുന്നത് അമ്ലം കൂടുതലുള്ള ആഹാരങ്ങള്‍ കഴിക്കുമ്പോള്‍ ആണ്. അതിനാല്‍ നാം ക്ഷാരംശം ഉള്ള ഭക്ഷണം കൂടുതല്‍ കഴിക്കണം. അതായതു പഴവര്‍ഗങ്ങള്‍, പച്ചക്കറികളിലെ ചില ഐറ്റംസ്. ക്ഷാരം 75 % വും അമ്ലം 25 % വും എന്ന കണക്കിന് കഴിക്കണം. പൊതുവേ പഴങ്ങളും പച്ചക്കറികളും ഗുണമുള്ളവ ആണെന്ന് ഇന്ന് എല്ലാവര്‍ക്കുമറിയാം. ഇതിനു രാസനാമത്തില്‍ ആല്‍ക്കലിയും ആസിഡും എന്ന് പറയുന്നു.

ഗ്യാസും ആസിഡിറ്റിയും എങ്ങിനെ ഉണ്ടാകുന്നു

ശരിയായ ദഹനം നടക്കാതെ വരിക, ദഹന രസങ്ങള്‍ കൂടുതല്‍ ഉണ്ടാകുക, അമ്ലരസം കൂടുതലുള്ള ഭക്ഷണം കഴിക്കുക, ആവശ്വത്തിനു വ്യായാമമോ ജോലിയോ ചെയ്യാതിരിക്കുക, ടെന്‍ഷനില്‍ കൂടുതല്‍ നേരം ഇരിക്കുക, ഇതൊക്കെ മതി ഗ്യാസ്/ നെഞ്ചെരിച്ചില്‍ ഉണ്ടാകാന്‍. താഴെക്കൊടിത്തിരിക്കുന്ന അമ്ലം ക്ഷാരം എന്നീ ഗുണങ്ങളുള്ള ഭക്ഷണങ്ങള്‍ നോക്കുക.

ക്ഷാരാംശം ഉള്ള ഭക്ഷണങ്ങള്‍

ഏത്തപ്പഴം, മുന്തിരി, ചെറി, പപ്പായ, നാരങ്ങ, പൈനാപ്പിള്‍, തക്കാളി, ഏലയ്ക്ക, ഇഞ്ചി, തേങ്ങ, കടുക്, ഉള്ളി, വെള്ളുള്ളി, മത്തന്‍, വഴുതിന, കുമ്പളം, കാബേജ്, മുതലായ പച്ചക്കറികളും പഴങ്ങളും.

അമ്ലാംശം ഉള്ള ഭക്ഷണങ്ങള്‍

ഉരുളക്കിഴങ്ങ്, മുട്ട, ഗ്രീന്‍ പീസ്‌, സോയാബീന്‍സ്, ഓട്സ്, അരി, പഞ്ചസാര, പാല്‍, മാംസം, മത്സ്യം, എണ്ണകള്‍, ബ്രെഡ്‌, ചോളം മുതലായവ.

ഹാര്‍ട്ട് അറ്റാക്ക് ആണോ എന്ന് സംശയം

ഗ്യാസ് പലവിധ തെറ്റിധാരണകള്‍ക്കും കാരണമാക്കും. ഹാര്‍ട്ട് അറ്റാക്ക്‌ ആണെന്ന് തെറ്റിദ്ധരിച്ചു ഡോക്ടറിന്റെ അടുത്ത് പോയെന്നു വരാം. ചിലര്‍ ശരിക്കും നെഞ്ചു വേദന വന്നാല്‍ ഗ്യാസ് ആണെന്ന് തെറ്റിദ്ധരിച്ചു ആശുപത്രിയില്‍ പോയില്ലെന്നു വരാം. അതും പ്രശ്നമാണ്. ഗ്യാസ് സാധാരണ, വയര്‍, നെഞ്ച്, തല ഇവിടങ്ങളിലൊക്കെ കയറാം.

ഗ്യാസും നെഞ്ചെരിച്ചിലും

അമ്ലരസമുള്ള ഭക്ഷണങ്ങള്‍ കഴിക്കുമ്പോള്‍ ഗ്യാസ് ഉണ്ടാകുന്നു. എന്നാല്‍ അത് നെഞ്ചെരിച്ചില്‍ ആയാല്‍ കൂടുതല്‍ കഷ്ടപ്പെടേണ്ടി വരുന്നു. സാധാരണ ഗ്യാസ്, നെഞ്ചെരിച്ചില്‍ എന്നിവ സമൂഹത്തില്‍ ഉയര്‍ന്ന സ്ഥാനത്തു നില്‍ക്കുന്നവര്‍, ജീവിത സൌകര്യങ്ങള്‍ കൂടുതല്‍ ഉള്ളവര്‍, വണ്ണം കൂടുതല്‍ ഉള്ളവര്‍, കൊഴുപ്പ് കൂടുതല്‍ കഴിക്കുന്നവര്‍ ഇവര്‍ക്കൊക്കെ ആണ് കൂടുതല്‍ ഉണ്ടാകുക. ഇതെങ്ങിനെയെന്നു നോക്കാം, അന്നനാളത്തില്‍ നിന്നും ആഹാരം സാവധാനം ആമാശയത്തിലെത്തുന്നു. ആമാശയത്തില്‍ എത്തുന്ന ഭക്ഷണം നന്നായി ചവച്ചരച്ചാണെങ്കില്‍ ദഹനം നടക്കാന്‍ വലിയ പ്രശ്നം ഉണ്ടാകുന്നില്ല. ഏതായാലും ദഹന

രസങ്ങള്‍ മൂലം ആഹാരം ദഹിക്കാന്‍ തുടങ്ങുന്നു. ആമാശയത്തിനും അന്നനാളത്തിനും ഇടയില്‍ ഒരു വാല്‍വ് ഉണ്ട്. ഇത് ആഹാരം അന്നനാളത്തില്‍ എത്തിയാല്‍ ഉടനെ അടയുന്നു എന്നതാണ് സ്വാഭാവികം. പക്ഷെ ചിലരില്‍ ചിലപ്പോള്‍ ഇത് അല്പം തുറന്നെന്ന് വരാം. ഇത് സള്‍ഫ്യൂരിക്ക് ആസിഡ്, പെപ്സിന്‍ എന്ന ദഹനരസം, പിത്താശയത്തില്‍ നിന്ന് വരുന്ന ബൈല്‍ എന്ന ആസിഡ് ഇവ അന്നനാളത്തില്‍ കടക്കാന്‍ കാരണം ആകുന്നു. ഇത് വലിയ നെഞ്ചെരിച്ചിലിനു കാരണമാകും.

ഗ്യാസ്/ ആസിഡിറ്റി = അള്‍സര്‍

ഗ്യാസിനെ/ ആസിഡിറ്റിയെ നാം വേണ്ട വിധത്തില്‍ നിയന്ത്രിച്ചു നിര്‍ത്തിയില്ലെങ്കില്‍ അത് കാലക്രെമേണ അള്‍സര്‍ ആയെന്നു വരാം. കാരണം ദഹനരസം ആഹാരത്തെ ദഹിപ്പിക്കുവാന്‍ ശക്തിയുള്ള ആസിഡുകള്‍ ആണ്. ആവശ്യത്തിനു ആസിഡ് കിടക്കുകയും ആവശ്യം അനുസരിച്ച് ശരീരം പ്രവര്‍ത്തിച്ചു കൊണ്ടെയിരിക്കുകയും, ആഹാരത്തെ ദഹിപ്പിച്ചു കൊണ്ടെയിരിക്കുകയും ചെയ്‌താല്‍. ആസിഡിറ്റി മാറുക മാത്രമല്ല ശരീരത്തിന് പൊതുവേ ആരോഗ്യവും ഉണ്ടാകും. അല്ലെങ്കില്‍ എന്താണുന്ടാകുക? കുടലിന്റെ സൈഡിലെ ശ്ലേഷ്മ സ്ഥരത്തിനു ആസിഡിന്റെ ആധിക്യത്താല്‍ വിള്ളല്‍ ഉണ്ടാകുന്നു. ഈ ശ്ലേഷ്മ സ്തരം ആസിഡുകളുടെ പൊള്ളല്‍ താങ്ങാന്‍ ശക്തിയുള്ളതാണ്. എന്നാല്‍ സാധാരണ തൊലിക്ക് വലിയ പൊള്ളല്‍ ഉണ്ടാകും. ശ്ലെഷമ സ്തരം ഇങ്ങിനെ കേടായാല്‍ ഉള്ളിലുള്ള സാധാരണ ദശ പൊള്ളാന്‍ ഇട വരുന്നു. ഇത് കുടലില്‍ കുരുക്കള്‍ ഉണ്ടാകാന്‍ കാരണമാകും. അതാണ് അള്‍സര്‍. അതുകൊണ്ടാണ് ഒരു പ്രാവശ്യം വന്നു കഴിഞ്ഞാല്‍ എരിവും പുളിയും പോലുള്ള രൂക്ഷമായതൊന്നും കഴിക്കാന്‍ പറ്റാത്തത്. മൂന്നു തരം അള്‍സര്‍ ഉണ്ട്, (1) Peptic Ulcer (2) Gastric Ulcer (3) Duodenal Ulcer . ഇതിന്റെ വിവരണം വിഷയത്തില്‍ നിന്നും വ്യതിചലിക്കും എന്നതിനാല്‍ ഇവിടെ വിവരിക്കുന്നില്ല.

ഗ്യാസ്/ ആസിഡിറ്റി എങ്ങിനെ കുറയ്ക്കാം

ക്ഷാരംശമുള്ള ആഹാരങ്ങള്‍ (പച്ചക്കറികളും പഴങ്ങളും) കഴിക്കുക. ദഹിക്കാന്‍ എളുപ്പമുള്ള ആഹാരങ്ങള്‍ കഴിക്കുക. എന്നാല്‍ thyroid ഉള്ളവര്‍ കാബേജ് അധികം കഴിക്കരുതെ. മൂത്രത്തില്‍ കല്ലുള്ളവര്‍ തക്കാളി പോലുള്ളവ അധികം കഴിക്കരുതെ. കഴിച്ചാല്‍ ഉടനെ ധാരാളം വെള്ളവും കുടിക്കുക. പൈല്‍സ് ഉള്ളവര്‍ ആപ്പിള്‍ അധികം കഴിക്കരുതെ. പിന്നെ ക്ഷാരാംശ ഭക്ഷണങ്ങള്‍ക്കൊപ്പം വ്യായാമം കൂടി ചെയ്യുക. cardio vascular / aerobic വ്യായാമ മുറകള്‍, നടത്തം, ഓട്ടം, നീന്തല്‍, സൈക്ലിംഗ് ഏതെങ്കിലും എന്നും ചെയ്യുക. ചില യോഗാസനങ്ങള്‍, പവനമുക്താസനം, പ്രാണായാമം, ജനുസിരാസനം, ഹല്സാസനം ഇങ്ങിനെയുള്ളത് ചെയ്യുക (ഇത് പക്ഷെ അറിയാവുന്ന ആളിന്റെ മേല്‍നോട്ടത്തില്‍ പഠിച്ചിട്ടേ ചെയ്യാവൂ). പക്ഷെ യോഗാസനങ്ങള്‍ ചില രോഗങ്ങള്‍ ഉണ്ടെങ്കില്‍, ഹെര്‍ണിയ, വയറിളക്കം, ഹൈപ്പെര്‍ തൈറോയിടിസം ഇവയുന്ടെങ്കില്‍ ചെയ്യരുതേ. പക്ഷെ എല്ലാവര്ക്കും ചെയ്യാവുന്നത് cardio vascular / aerobic വ്യായാമങ്ങളാണ്. ഇവ കൊണ്ടൊന്നും മാറിയില്ലെങ്കില്‍ ഡോക്ടറെ കണ്ടു ചെക്ക് ചെയ്തു ചികിത്സിക്കണം.

സാധാരണ ഗ്യാസ് പ്രശ്നം അന്ടാസിഡ് ഗുളിക കഴിച്ചാണ് ആള്‍ക്കാര്‍ കുറയ്ക്കുന്നത്. എന്നാല്‍ എന്നും അന്ടാസിഡ് ഗുളികകള്‍ കഴിക്കുന്നതിനു പകരം എല്ലാവര്ക്കും ചെയ്യാവുന്ന cardio vascular / aerobic വ്യായാമ മുറകള്‍ ചെയ്യ്തു കുറയ്ക്കുന്നതാണ് നല്ലത്. അല്പം ആഹാര കാര്യത്തിലും ശ്രദ്ധിക്കണം. രാത്രി ഭക്ഷണം വളരെക്കുറച്ചു മതി. കഴിച്ചാല്‍ ഉടനെ കിടക്കരുതെ. മൂന്നു മണിക്കൂര്‍ കഴിഞ്ഞേ ഗ്യാസ് പ്രശ്നം വലുതായുള്ളവര്‍ കിടക്കാവൂ. വല്ലപ്പോഴും ഗ്യാസ് പ്രശ്നം ഉള്ളവര്‍ ഒരു മണിക്കൂര്‍ എങ്കിലും കഴിഞ്ഞും. പ്രശ്നം ഇല്ലാത്തവരും ഭക്ഷണം കഴിച്ചു കുറച്ചു കഴിഞ്ഞു കിടക്കുക. ചെറിയ ഗ്യാസ് പ്രശ്നത്തിന് ഒരു ഡോക്ടറെ കാണേണ്ട കാര്യമില്ല. പക്ഷെ ഗ്യാസ് മൂലം വയറു വേദന, തൊണ്ട വേദന, നെഞ്ചു വേദന, ഇവ മാറാതിരിക്കുക, വിശപ്പില്ലാതിരിക്കുക, ഇങ്ങിനെയുള്ള കണ്ടിഷനില്‍ ഡോക്ടറെ കണ്ടു ചികിത്സിക്കണം.

നാം ചിട്ടയായ ഭക്ഷണവും, വ്യായാമവും ചെയ്യുകയും ഹിതമായ ഭക്ഷണങ്ങള്‍ കഴിക്കുകയും, മനസ്സിന് വലിയ ടെന്‍ഷന്‍ കൊടുക്കാതെയും, കാര്യങ്ങളെ വിവേകത്തോടു വേര്‍തിരിച്ചരിയുകയും ചെയ്‌താല്‍ ഒരുമാതിരിപ്പെട്ട രോഗങ്ങള്‍ ഒന്നും നമ്മെ ബാധിക്കില്ല. 

പൊറോട്ടയും കുറെ യാഥാര്ത്യങ്ങളും

പൊറോട്ട എല്ലാവര്ക്കും പ്രത്യേകിച്ചു മലയാളികള്‍ക്ക് എത്ര പ്രിയപ്പെട്ടഭക്ഷണമാണ്. പക്ഷെ പൊറോട്ട വളരെ മോശമായ ഭക്ഷണം  ആണെന്നാണ്ഒരു വിഭാഗം ആള്‍ക്കാര്‍  കരുതിയിരിക്കുന്നത്. എന്നാല്‍ ചിന്തിക്കുന്നത് പോലെ അത്ര മോശം ഭക്ഷണമല്ല പൊറോട്ട.  പൊറോട്ടയെപ്പറ്റിഇന്റെര്‍നെറ്റിലും  മാധ്യമങ്ങളിലും എല്ലാം (പ്രത്യേകിച്ചു  മലയാളത്തില്‍ )  വലിയ ചര്‍ച്ചയും ലേഖനങ്ങളും ഇറങ്ങുന്നുണ്ട്.   ആരോഗ്യ കാര്യത്തില്‍ അല്പം   ബോധവാന്മാരാകുന്നത് നല്ലത് തന്നെ.  പക്ഷെ ആരോഗ്യജീവിതത്തിനു  പഠിക്കേണ്ട വിഷയം സത്യത്തില്‍ പൊറോട്ടനല്ലതോ ചീത്തയോ എന്ന് മാത്രമല്ലല്ലോ. എത്രയോ കാര്യങ്ങള്‍ പഠിക്കേണ്ടി വരും. ശരീരത്തിന്  അത്ര നല്ലതല്ലാത്ത എത്രയോ  ഭക്ഷണങ്ങള്‍,  ശീലങ്ങള്‍ ഇവയൊക്കെഒഴിവാക്കേണ്ടി വരും. "മൂന്നാറിലെ റിസോര്ടുകളല്ല പൊറോട്ട വില്‍ക്കുന്ന  ഹോട്ടലുകള്‍ ആണ്  ഇടിച്ചു നിരത്തേണ്ടത്"  എന്ന് ഡോക്ടറും സാഹിത്യകാരനുമായ ഡോ പുനത്തില്‍ കുഞ്ഞബ്ദുള്ള പറഞ്ഞതാണ് എല്ലാ പൊറോട്ട മൈദാ വിരുദ്ധരും (പ്രത്യേകിച്ച് പ്രകൃതി ചികിത്സകര്‍) എടുത്തു കാട്ടുന്നത്. എന്നാല്‍ അദ്ദേഹം തന്നെ പറയുന്നു "വളരെ കര്‍ശനമായി നിഷ്ടകളോടെ പ്രകൃതി ചികിത്സയും സസ്യാഹാരവും അടിച്ചേല്പ്പിക്കുന്നത് ശരിയായ രീതിയല്ല. പ്രതികരിക്കുന്ന ശരീരത്തിന് മാത്രമേ അത് അനുയോജ്യമാവുകയുള്ളൂ" അദ്ദേഹം വീണ്ടും പറയുന്നു "ഒരു ക്ഷമാപണത്തോടെ പറയട്ടെ പ്രക്രിതിചികില്സാചാര്യനായ ഹെര്‍ബര്ടു ഷെല്ട്ടന്‍ സംസാരശേഷി നഷ്ട്ടപ്പെട്ടു കൈകാലുകള്‍ അനക്കാന്‍ വയ്യാതെ 13 വര്ഷം നരകിച്ചു കിടന്നാണ് മരിച്ചത്. യൂറോപ്യര്‍ മാത്രമല്ല കേരളീയരും ഉദാഹരണത്തിനായി ധാരാളമുണ്ട്. പ്രകൃതിചികില്‍സ ജീവിതവൃതമാക്കിയ കാക്കുവൈദ്യന്റെ അന്ത്യം ദയനീയമായിരുന്നു. കൂടാതെ മറ്റു രണ്ടു പ്രക്രിതിചികില്സകരുമുണ്ട്. ഇവരും കൊടിയ രോഗം വന്നാണ് മരിച്ചത്".

ഏതായാലും ഇവിടെ ഒരു അന്നജമായ പൊറോട്ട വിഷയമായത് കൊണ്ട് പൊറോട്ടയെക്കുറിച്ച് നമുക്ക് അല്പം ചിന്തിക്കാം.

മൈദ

മൈദ എന്നത് ഗോതമ്പ് ശുദ്ധീകരിച്ചുണ്ടാക്കുന്ന ഒരു ഭകഷ്യ വസ്തു ആണ്. പക്ഷെ അത് ബ്ലീച്ച് ചെയ്യുമ്പോള്‍ മാര്‍ദ്ദവം കൂട്ടാന്‍ വേണ്ടി ചേര്‍ക്കുന്ന  രാസവസ്തുക്കളാണ് ശരീരത്തിന് ദോഷം ചെയ്യുന്നത് എന്ന്  പറയുന്നത്.  എന്നാലും ആള്‍ക്കാര്‍ ഭയപ്പെടുന്നത് പോലെ അത്ര വലിയ ദോഷമില്ലാത്ത ഒന്നാണ് എന്നതാണ് സത്യം.  മാര്‍ദ്ദവം ഉണ്ടാക്കാന്‍ രാസവാസ്തുക്കള്‍ പ്രശ്നം  ഉണ്ടാക്കുന്നതാണെന്ന് പൂര്‍ണമായിതെളിയിക്കപ്പെട്ടിട്ടില്ല. കാരണം അത് വളരെ ചെറിയ അളവില്‍ ആണ് ചേര്‍ക്കുന്നത്. 
പ്രധാന ഭാഗമായ ഗോതമ്പ്  നല്ല ഭക്ഷണം ആണ്.  മൈദയുടെ കഥ പറഞ്ഞാല്‍ ഒരുപാട് തെറ്റിദ്ധരിക്കപ്പെട്ട ഒന്നാണ്. പണ്ട് നമ്മുടെ നാട്ടില്‍ പോസ്ടര്‍ ഒട്ടിക്കാന്‍ ആണ് മൈദാ ഉപയോഗിച്ച് കൊണ്ടിരുന്നത്. കാരണം വെള്ളം ചേര്‍ത്താല്‍ അതിനു പശിമ വരുന്നു  അങ്ങിനെ ആ പശിമ ഉപയോഗപ്പെടുത്തി അത്ര തന്നെ. എന്ന് വെച്ച് അത് ഭക്ഷിക്കാന്‍ പാടില്ലാത്തത് അല്ല. അത് അന്നജം (starch or carbohydrates) ആണ്. പക്ഷെ ദഹിക്കാത്ത ഒന്നാണ് എന്ന് പറയുന്നത് വിഡ്ഢിത്തമാണ്. അങ്ങിനെ ഭക്ഷണമായി ഉപയോഗിക്കാന്‍  തുടങ്ങി. മൈദാ ഉപയോഗിച്ച് പൊറോട്ട മാത്രമല്ലല്ലോ ഉണ്ടാക്കുന്നത്‌. ഗോതമ്പിനു മൂന്നു ഭാഗങ്ങള്‍ 
ഉണ്ട് ഏറ്റവും പുറത്തെ തവിട് (bran) അത്നുള്ളിലെ germ എന്ന ആവരണം ഏറ്റവും ഉള്ളില്‍ കാണുന്ന endosprm  അന്നജ ഭാഗം. ഗോതമ്പിന്റെ തവിടും പുറംആവരണവും എല്ലാം കളഞ്ഞു അകത്തെ അന്നജം കൂടുതലുള്ള ഭാഗമാണ് മൈദ. തവിടും പുറം തോടും എല്ലാം  ഉള്ള ആട്ട ഗോതമ്പ് പൊടി എന്നും അറിയപ്പെടുന്നു.  റവയാണെങ്കില്‍  ആദ്യ ശുദ്ദീകരണം കഴിഞ്ഞാല്‍ കിട്ടുന്നഭാഗവും.  ഇവിടെ മൈദയ്ക്ക് പ്രശ്നമായിരിക്കുന്നത് അവിടെ അന്നജം മാത്രം ഉള്ളു  എന്നതാണ്.  കാരണംമുകളില്‍ പറഞ്ഞ തവിടോ, നാരോ ഇല്ലല്ലോ. എങ്കിലും പൊറോട്ട, കേക്ക്, ബ്രെഡ്, റൊട്ടി, ‌ അങ്ങിനെ പലബേക്കറി ഐറ്റംസ് ഉണ്ടാക്കാനും മൈദ (white flour) ഉപയോഗിക്കുന്നു.  

പാവം മൈദയെ എന്തിനു കുറ്റപ്പെടുത്തണം

തവിടും നാരുകളും എല്ലാം കളഞ്ഞ പോളിഷു ചെയ്ത അരി എത്രയോ ജനങ്ങള്‍ കഴിക്കുന്നു. കപ്പ എത്ര പേര്‍ കഴിക്കുന്നു.  അതുപോലെ തന്നെയുള്ള മൈദ എന്ന അന്നജം വലിയ പ്രശ്നങ്ങള്‍ ഉണ്ടാക്കുന്നില്ല. ഇതിലെല്ലാം കാണുന്നത് അന്നജം ആണ്. ഇത് കഴിക്കുമ്പോള്‍ ഗ്ലൂക്കോസ് ആയി ശരീരത്തിന് ഊര്‍ജം തരുന്നു. കഴിഞ്ഞ വര്ഷം പ്രകൃതി ചികിത്സകര്‍ മൈദയുടെ ദോഷങ്ങളെക്കുറിച്ച് ഇറക്കിയ ലെഖുലേഖയില്‍ അതിന്റെ ദോഷങ്ങളെക്കുറിച്ച് വര്ണിച്ചിരിന്നു. MBBS (Bachelor of Medicine and Bachelor of Surgery)  ഡോക്ടര്‍മാര്‍ ചെയ്യുന്നതുപോലെ ശരീരം കീറിമുറിച്ചു പഠിക്കുകയും, ഓരോ അവയവങ്ങളും അതിന്റെ പ്രവര്‍ത്തനങ്ങളും പഠിക്കുകയും, രോഗങ്ങള്‍ വരുന്ന വഴിയും, ഒരു മരുന്ന് ശരീരത്തില്‍ രോഗങ്ങള്‍ക്കെതിരെ എങ്ങിനെ പ്രവര്‍ത്തിക്കുന്നു എന്നും  കൂടി പഠിക്കുകയായിരുന്നെങ്കില്‍ പ്രകൃതി ചികിത്സകര്‍ ഇങ്ങിനെ വാദിക്കില്ലായിരുന്നു. എല്ലാ രോഗങ്ങള്‍ക്കും ആഹാരം മാത്രമാണ് പ്രകൃതി ചികിത്സയിലെ മരുന്ന്.  പിന്നെ എങ്ങിനെ ഇവര്‍ ഇതൊക്കെ പറയുന്നു. ഇതിനു മറുപടിയെന്നോണം ജനങ്ങള്‍ക്ക്‌ തെറ്റിദ്ധാരണ ഉണ്ടാകാതിരിക്കാന്‍ ഡോക്ടര്‍ സുരജ്‌ രാജനും സങ്ഖവും  മൈദയെക്കുറിച്ച് ചില വസ്തുതകള്‍ അവരുടെ ബ്ലോഗില്‍ (Suraj,Robi,Suresh, 2011) പ്രസിദ്ധീകരിച്ചിരുന്നു.  അതില്‍ പറഞ്ഞിരിക്കുന്നതനുസരിച്ചു ഗോതമ്പിന്റെ അന്നജ ഭാഗം വേര്‍തിരിച്ചു പൊടിച്ചു റൊട്ടിയും മറ്റും ഉണ്ടാക്കുകയും, കുറെ നാള്‍ സൂക്ഷിച്ചു വെയ്ക്കുമ്പോള്‍ ഓക്സീകരണം സംഭവിച്ചു ഗ്ലൂടനിന്‍ പോലുള്ള പ്രോടീനുമായി പ്രതിപ്രവര്‍ത്തിച്ച് അതിനു പശിമ വരികയും, വീണ്ടും ഓക്സീകരണം സംഭവിച്ചു സന്തോഫില്‍ പോലുള്ള വര്‍ണകങ്ങളുമായി  പ്രവര്‍ത്തിച്ചു അതിന്റെ സ്വാഭാവിക മഞ്ഞനിറം മാറി വെളുത്തു വരികയും ചെയ്യുന്നു. ആദ്യമൊക്കെ ഇങ്ങിനെ ചെയ്തിരുന്നു, പിന്നെ പിന്നെ പല ഉപയോഗങ്ങള്‍ക്കായി വ്യാവസായികമായി മൈദ ഉണ്ടാക്കാന്‍ തുടങ്ങി.  അതിനു മാര്‍ദ്ദവം ഉണ്ടാക്കാന്‍ ചേര്‍ക്കുന്ന അലോക്സന്‍ എന്ന കെമിക്കലും ബെന്‍സോയില്‍ പെറോക്സൈഡ് ബ്ലീച്ചിംഗ് കെമിക്കലും ആണ് പ്രശ്നക്കാര്‍ എന്ന് പ്രകൃതി ചികിത്സകര്‍ വാദിക്കുന്നു. ആലോക്സന്‍, മൈദ, കൃത്രിമ നിറങ്ങള്‍, പ്രിസേര്‍വടീവുകള്‍ തുടങ്ങിയവയുടെ ശാസ്ത്രീയ വശങ്ങളെക്കുറിച്ച് പ്രക്രിതിചികില്സകര്‍ക്കുള്ള മറുപടിയും ജനങ്ങളെ തെറ്റിദ്ധരിപ്പിക്കാതിരിക്കാനും ഉള്ള ഡോക്ടര്‍മാരുടെ സ്ഥിരീകരണങ്ങളും വേണമെങ്കില്‍ വായിക്കാം, ചെറിയ അളവില്‍ Alloxan , Benzoyle Peroxide, Ascorbic Acid, Calcium Peroxide, Nitrogen Dioxide, Chlorine Dioxide, Chlorine എന്നിവയൊക്കെ ബ്രെഡ്‌, കേക്ക്  ഉള്‍പ്പെടെ പല ആഹാരസാധനങ്ങല്‍ക്കുവേണ്ടിയും ഉപയോഗിക്കുന്നുണ്ട്.  അത് ചെറിയ അളവില്‍ ചേര്‍ത്താല്‍ ശരീരത്തിന് യാതൊരു വിധ ദോഷവുംഉണ്ടാകില്ല. മറിച്ചു അതിന്റെ അളവ് കൂടിയാല്‍ പല രോഗങ്ങളും ഉണ്ടായെന്നും വരും. നാരും, തോടും കളഞ്ഞുള്ളിലുള്ള 85 % വരുന്ന അന്നജ ഭാഗമാണ് മൈദ. ഒരു ഗോതമ്പ് മണിയുടെ  മൊത്തം ഭാഗം തിന്നാല്‍ പല ഗുണമുണ്ട്.  എന്നാല്‍ അന്നജം ശരീരത്തിന്റെ ഊര്ജത്തിനാവശ്വമാണ്. അപ്പോള്‍ മൈദാ കൊണ്ടുള്ള ഭക്ഷണങ്ങളും വല്ലപ്പോഴും കഴിക്കുന്നതില്‍ പ്രശ്നമില്ല.

അലോക്സനും ബെന്‍സോയില്‍ പെരോക്സൈടും

അലോക്സന്‍ എന്ന രാസസംയുക്തം ആണ് എല്ലാ തെറ്റിദ്ധാരന്യ്ക്കും കാരണം. കാരണം ഇത് ആഗ്നേയഗ്രന്ഥി(pancreas) യിലെ ഇന്‍സുലിന്‍ ഉത്പാദക ബീറ്റാ കോശങ്ങളെ കൊല്ലുന്നു എന്നത് സത്യമാണ്. പക്ഷെ അത് വളരെ കൂടുതലുന്ടെന്കിലെ കോശത്തിനകത്ത് കയറി രോഗം ഉണ്ടാക്കൂ.  ബ്ലീച് ചെയ്യുമ്പോള്‍ ഉണ്ടാകുന്ന വളരെ ചെറിയ അളവിലുള്ള അലോക്സന്‍ മാവ് പുളിക്കുമ്പോഴും സ്വാഭാവികമായി ഉണ്ടാകുന്നുണ്ട്. എത്രയോ ആഹാര സാധനങ്ങള്‍ മാവ് പുളിപ്പിച്ചുണ്ടാക്കുന്നു. അങ്ങിനെ നോക്കുമ്പോള്‍ മാവ് പുളിച്ചു നാം കഴിക്കുന്ന ഭക്ഷണങ്ങളിലൂടെയും പ്രമേഹമുണ്ടാകണമല്ലോ. പിന്നെങ്ങിനെ ചെറിയ അളവില്‍ മാര്‍ദ്ദവം ഉണ്ടാക്കാന്‍ വേണ്ടി ചേര്‍ക്കുന്ന അലോക്സന്‍ പ്രമേഹം ഉണ്ടാക്കും? പൊറോട്ട തിന്നുന്നവര്‍ക്കൊക്കെ പ്രമേഹം ഉണ്ടാകുമായിരുന്നെങ്കില്‍ നമ്മുടെ നാട്ടില്‍ ഇന്നത്തേതിന്റെ പത്തിരട്ടി പ്രമേഹരോഗികള്‍ ഉണ്ടാകുമായിരുന്നു. പൊറോട്ട കഴിക്കാത്ത, റൊട്ടി (ചപ്പാത്തി) യും, വെജ് ആഹാരം ഉള്‍പെടുന്ന താലിയും കഴിക്കുന്ന ഗുജറാത്താണ് ഇന്ത്യയിലെ പ്രമേഹരോഗികളില്‍, തമിള്‍ നാട് കഴിഞ്ഞാല്‍ ഒന്നാം സ്ഥാനത്തു എന്നത് ഓര്‍ക്കുക. പ്രമേഹം ഉണ്ടാകാന്‍ എത്രയോ വേറെ കാരണങ്ങള്‍ ഉണ്ട്.  

ബെന്‍സോയില്‍ പെറോക്സൈടും  ബ്ലീച് ചെയ്യാന്‍ ഉപയോഗിക്കുന്നു. പക്ഷെ ഇതും നിശ്ചിത അല്ലവില്‍ മാത്രം ആണ് ഉപയോഗിക്കുന്നത്.  ഭക്ഷണങ്ങളില്‍ മാര്‍ദ്ദവം, രുചി, നിറം ഇവ ഉണ്ടാക്കാന്‍ ചേര്‍ക്കുന്ന രാസ സംയുക്തങ്ങള്‍ ശരീരത്തിന് രോഗം ഉണ്ടാകാത്ത രീതിയില്‍  WHO (World Health Organization)  അംഗീകരിച്ച നിശ്ചിത അളവില്‍ മാത്രമേ ലോകത്തെവിടെയും ചെര്‍ക്കുന്നുള്ളൂ. അല്ലെങ്കില്‍ അത് നിയമത്തിനു എതിരാണ്.

പൊറോട്ട എങ്ങിനെ പ്രശ്നക്കാരന്‍ ആകുന്നു.

1 ) പൊറോട്ട കുഴയ്ക്കുന്നത്തിനും ചുടുന്നതിനും ഉപയോഗിക്കുന്ന എണ്ണയുടെ ഗുണനിലവാരം തിട്ടപ്പെടുത്താനുള്ള ബുദ്ധിമുട്ട്. എണ്ണ കൂടുതല്‍ ശരീരത്തിന് നല്ലതല്ല.

2 ) മൈദയില്‍ നാരുകള്‍ (fiber) കുറവാണ്

3 ) ഇത് സാധാരണ വീട്ടില്‍ ഉണ്ടാക്കാറില്ല. കടയിലെ വൃത്തിഹീനമായ അന്തരീക്ഷത്തില്‍ അത് പ്രശ്നമാകുന്നു.

4 ) മൈദയില്‍  നാരു കുറവായതിനാല്‍ ദഹനം സാവധാനത്തില്‍ ആകുന്നു.

5 ) പൊറോട്ടയുടെ കൂടെ കഴിക്കുന്ന മാംസം, അതിലും നാരില്ല. മാംസങ്ങളില്‍ സാധാരണ നാര് (fiber)കാണാറില്ല.

പൊറോട്ട എങ്ങിനെ കഴിക്കാം

1 ) എന്ത് എണ്ണയാണെന്നോ എത്ര വൃത്തിയിലാണെന്നോ അറിയാത്ത സ്ഥിതിക്ക് പൊറോട്ട കുറച്ചു മാത്രം കഴിക്കുക.

2 ) നാരുകള്‍ കുറവായതിനാല്‍ പൊറോട്ടയുടെ കൂടെ കഴിക്കുന്ന ഇറച്ചിയുടെ സ്ഥാനത്തു പട്ടാണി പോലുള്ള കറി കഴിച്ചാല്‍ പോഷക ദാരിദ്ര്യവും നില്‍ക്കും, അല്ലെങ്കില്‍ പൊറോട്ടയും ഇറച്ചിയും കഴിച്ചതിനു ശേഷം ഒരു ഫ്രൂട്ട് ജ്യുസ് കഴിക്കുക. കൂടെ പറ്റുമെങ്കില്‍ സാലഡും കഴിക്കുക. അത് നാരിന്റെ കുറവ് നികത്തും. ഫ്രൂട്ട് ജ്യൂസ് വൈടമിന്റെയും ആന്റി ഒക്സിടന്റിന്റെയും കുറവ് നികത്തും. കഴിവതും കോഴി ഇറച്ചി (പക്ഷികള്‍) കഴിക്കുക, ചുവന്ന മാംസത്തിനേക്കാള്‍ നല്ലത് പക്ഷികളുടെത് പോലെ വെള്ളമാംസവും, മീനുമാണ്.

3 ) കഴിക്കുമ്പോള്‍ ചവച്ചരച്ചു സാവകാശം കഴിക്കുക. കുടലില്‍ ഒട്ടിപ്പിടിക്കാതിരിക്കാനും, ദഹനം വേഗത്തിലാക്കാനും ഇത് സഹായിക്കും.

4 ) പൊറോട്ട എന്നും കഴിക്കുന്നവരാനെങ്കില്‍ അത് വല്ലപ്പോഴും ആക്കുക. കാരണം ദഹിക്കാന്‍ സമയം എടുക്കുന്നതിനാലും പോഷണങ്ങള്‍ കുറവായതിനാലും. ഈ ഞാനും വല്ലപ്പോഴും കഴിക്കാറുണ്ട്.

5 ) സതോഷത്തോട് കഴിക്കുക. സന്തോഷത്തോടു എന്ത് കഴിച്ചാലും അതിനു കൂടുതല്‍ ഗുണം ഉണ്ടാകുന്ന മാനസികവ്യാപാരങ്ങള്‍ നടക്കുമ്പോള്‍ ദഹനം വേഗത്തിലാകും.

6 ) വൃത്തിയുള്ള സ്ഥലത്ത് നിന്ന് മാത്രം കഴിക്കുക.

പൊറോട്ട പ്രമേഹമോ, അര്‍ബുദമോ ഉണ്ടാക്കുന്നില്ല 

പൊറോട്ട കഴിച്ചിട്ട് ആര്‍ക്കും പ്രമേഹമോ ക്യാന്‍സറോ  ഉണ്ടായതായി തെളിഞ്ഞിട്ടില്ല. കൂടെയുള്ള എണ്ണ, മുട്ട, വൃത്തിയില്ലായ്മ, ഇവയൊക്കെ കൂടാതെ അതിന്റെ കൂടെ മാംസം കൂടുതല്‍ കഴിക്കല്‍ ഇവയൊക്കെ ആണ് എന്തെങ്കിലും പ്രശ്നങ്ങള്‍ ഉണ്ടാക്കുന്നത്‌. ഉദാ: എണ്ണ പല പ്രാവശ്യം ചൂടാക്കുമ്പോള്‍ അതില്‍ ഉണ്ടാകുന്ന രാസമാറ്റം വഴി അക്രോലിന്‍ (Acrolein) പോലുള്ള വിഷ വസ്തുക്കള്‍ സൃഷ്ടിക്കപെടുന്നു. ഇത് ത്വക്ക്, കണ്ണ്, മൂക്ക് മുതലായ ഭാഗങ്ങളില്‍ ചൊറിച്ചില്‍ വരുത്തുന്നു. ഏതു എണ്ണ ആയാലും ചൂടാക്കിയാലും ഇല്ലെങ്കിലും കൂടുതല്‍ ഉപയോഗിച്ചാല്‍ പ്രശ്നങ്ങള്‍ ഉണ്ടാക്കും. American Cancer Society, Mayo Clinic, World Health Organization (WHO), Tata Institute of  Cancer    ഇവയുടെ ഒക്കെ അഭിപ്രായത്തില്‍ കാന്‍സറിനു പൊതുവേ ഉള്ള കാരണങ്ങള്‍ താഴെപ്പറയുന്നവയാണ്;

1  ) എണ്ണയില്‍ വറുത്ത ഭക്ഷണങ്ങള്‍, ചുവന്ന മാംസങ്ങള്‍, വറ, പൊരി, പുകയില്‍ ചുട്ട വിഭവം, ഉപ്പിലിട്ട മത്സ്യം, മാംസം, അച്ചാറുകള്‍, ടിന്നിലടച്ച മാംസങ്ങള്‍, കൊഴുപ്പ് വളരെ കൂടിയ നെയ്യ് ഇവ പതിവായി ഉപയോഗിക്കുക.

2 ) പുകവലി, ലഹരി പഥാര്ധങ്ങള്‍, എന്നിവ പതിവായി ഉപയോഗിക്കുക. 

3 ) വ്യായാമമോ ജോലിയോ ഇല്ലാതെ ഇരിക്കുക, ഇതിന്റെ കൂടെ പ്രമേഹം ഉണ്ടായിരിക്കുക, ദുര്‍മേദസ്സ് അടിഞ്ഞുകൂടുക

4)  ഡീ എന്‍ എ യിലെ ജനിതക കലകളിലെ കോഡ് നമ്പര്‍ (DNA Genetic Code No.), ജീവിക്കുന്ന അന്തരീക്ഷം ഇവയും ഒരു കാരണമാണ്.

5 ) വിവിധ തരം radiations  എല്ക്കുക.

അങ്ങിനെ ഒന്നോ രണ്ടോ കാരണങ്ങള്‍ അല്ല കാന്‍സര്‍ ഉണ്ടാക്കുന്നത്‌. ഈയടുത്ത ഇടയ്ക്ക്  WHO  തിരുവനന്തപുരത്ത് ഒരു പഠനം നടത്തിയതില്‍,  മുകളില്‍ പറഞ്ഞത് കൂടാതെ  മസാല ഭക്ഷണം,  ഫാസ്റ്റ് ഫുഡ്‌, മുളക്, ഉയര്‍ന്ന ഊഷ്മാവില്‍ പാചകം  ചെയ്തു കഴിക്കല്‍ ഇവയൊക്കെ  വയറ്റിലെ കാന്‍സര്‍ ഉണ്ടാകാന്‍ കാരണമായെന്ന് കണ്ടു.  

ബ്രെഡ്‌, ബിസ്കട്സ്, നാന്‍, പാസ്ട്രി, കേക്ക്, അങ്ങിനെ എത്രയോ ഭക്ഷണ സാധനങ്ങള്‍ നമ്മുടെ നാട്ടില്‍ ഉണ്ട്. ഇതെല്ലാം മൈദാ വഴിയാണ് ഉണ്ടാക്കുന്നത്‌.  മൈദയും ഗോതമ്പും മിക്സ്‌ ചെയ്തു ശുദ്ധ ഗോതമ്പ് ബ്രെഡ്‌ ആണെന്ന് പറഞ്ഞു എത്രയോ സ്ഥലത്ത് വില്‍ക്കുന്നു.   ഇപ്പോള്‍ ഇറങ്ങുന്ന വീറ്റ്‌ ബ്രെഡ്‌ (whole wheat bread)  ഗോതമ്പിന്റെ ആണെന്നും കരുതി എത്രയോ പേര്‍ വാങ്ങി കഴിക്കുന്നു. ആള്‍കാര്‍ കരുതുന്നത് പോലെ അത് മുഴുവന്‍ ഗോതമ്പ് പൊടി അല്ല. അത് മൈദാ + ഗോതമ്പ് ബ്രെഡ്‌ ആണ്.

നല്ല അധ്വാനം അല്ലെങ്കില്‍ വ്യായാമം ചെയ്യുന്നവര്‍ക്ക് പൊറോട്ട അടക്കം ഉള്ള മൈദാ ഭക്ഷണം ഒരു പ്രശ്നവും ഉണ്ടാക്കുന്നില്ല. കാരണം അവര്‍ക്ക് കൂടുതല്‍ എനര്‍ജി ആവശ്യമാണ്‌. മൈദ അന്നജം ആണ്. അന്നജം ഊര്ജദായകം ആണ്.
അതിന്റെ കൂടെ അല്പം പോഷകാഹാരവും കൂടി കഴിച്ചാല്‍ വളരെ നല്ലതാണ്. എങ്കിലും ഏറ്റവും നല്ല ഭക്ഷണം, ഏറ്റവും നല്ല വെള്ളം, അണുക്കള്‍ ഇല്ലാത്ത അന്ധരീക്ഷം, എല്ലാം നോക്കി ആര്‍ക്കും ജീവിക്കാന്‍ പറ്റില്ല. കുറച്ചൊക്കെ ശ്രദ്ധിക്കണം. അത്രേയുള്ളൂ. എല്ലാറ്റിനും ഉപരി രോഗങ്ങള്‍ ഒരു പരിധി വരെ വരാതെ തടയുന്നത് നമ്മുടെ ശരീര പ്രതിരോധ  ശക്തി (immunity power) ആണ്. 

മൈദ ഉത്പന്നങ്ങള്‍ ഉപേക്ഷിച്ചാല്‍ എന്ത് കഴിക്കും?

ഇതിനു പ്രകൃതി ചികിത്സകര്‍ ശുപാര്‍ശ ചെയ്യുന്ന പലഹാരങ്ങള്‍ കൊഴിക്കട്ട, ഉണ്ണിയപ്പം, അരിയുണ്ട തുടങ്ങി 36  ഐറ്റംസ് ആണ് അവരുടെ ലേഖുലേഖയില്‍ പറയുന്നത്. ഇതില്‍ മിക്കതും അരി കൊണ്ടുള്ളതാണ്. കൂടാതെ എണ്ണയില്‍ ആണുണ്ടാക്കുന്നത്. അരിയും അരി ഉല്പന്നങ്ങളും കൂടുതല്‍ കഴിച്ചാലും പ്രമേഹമുണ്ടാകുമെന്നു ഇന്ന് എല്ലാ മലയാളികള്‍ക്കും അറിയാം. കൂടുതല്‍ എന്നാ എതുപയോഗിച്ചാലും പ്രെഷര്‍, കൊളസ്ട്രോള്‍, ഹൃദ്രോഗം, സ്ട്രോക്ക് ഇവ ഉണ്ടാകാനുള്ള സാധ്യത, ഇത് കുറച്ചുപയോഗിക്കുന്നവരേക്കാള്‍ വളരെ കൂടുതല്‍ ആണ്. എണ്ണ, നെയ്യ, ഡാല്‍ഡ ഇവയൊക്കെ കൊഴുപ്പിന്റെ സംഭരണികള്‍ ആണ്.

ഇനി ചിന്തിക്കൂ പ്രകൃതി ചികിത്സകര്‍ പറയുന്നത് പോലെ, പൊറോട്ട കഴിക്കുന്നത്‌ കൊണ്ടാണോ, കാന്‍സര്‍, പ്രമേഹം, രക്തസ്സമര്‍ദ്ദം ഇങ്ങിനെയുള്ള രോഗങ്ങള്‍ ഉണ്ടാകുന്നത്? വല്ലപ്പോഴും രണ്ടു പൊറോട്ടയും ഇറച്ചിക്കറിയും  കഴിക്കുന്നത്‌കൊണ്ട് ഒരു കുഴപ്പവുമില്ല.   അല്ലാതെ പൊറോട്ടയെ മാത്രം ബലിയാടക്കരുതെ. അതുകൊണ്ട് നമുക്ക് പൊറോട്ട കഴിക്കാം അല്പം അളവ് കുറയ്ക്കണമെന്ന് മാത്രം. വളരെ കാര്യം ഇനിയും എഴുതാനുണ്ടെങ്കിലും, നീണ്ടു പോകുന്നതിനാലും, എന്നാല്‍ അത്യാവശ്യം ചേര്‍ത്തിരിക്കുന്നതിനാലും ലേഖനം ചുരുക്കുന്നു.

ചുരുക്കം

പൊറോട്ട വല്ലപ്പോഴും കഴിക്കുന്നത്‌ വലിയ പ്രശ്നം ഉണ്ടാക്കുന്നില്ല. പൊറോട്ട മാത്രം അല്ല മറ്റുള്ള പല ആഹാര സാധനങ്ങളുടെയും  സൈഡ് എഫെക്റ്റ് ആണ് പല രോഗങ്ങളുടെയും കാരണം,  അധ്വാനം അല്ലെങ്കില്‍, വ്യായാമം ചെയ്യുക, നല്ല ചിന്തയില്‍ ഇരിക്കുക,  സന്തോഷത്തോട് കഴിയുക, പിരിമുറുക്കം മാറാന്‍ എന്തങ്കിലും നല്ല ഹോബി ശീലിക്കുക, പച്ചക്കറി,  പഴങ്ങള്‍ എന്നും കഴിക്കുക, മറ്റുള്ള ഭക്ഷണങ്ങളെല്ലാം കുറേശെ കഴിക്കുക, കൂട്ടത്തില്‍ എന്നും മഞ്ഞള്‍,ഇഞ്ചി, വാഴപ്പഴം (ഇവ കാന്‍സ‍റിനെ കൊല്ലുന്നു)  ഇവ ഭക്ഷണത്തിന്റെ ഭാഗമാക്കുക.

 

References;

1)      Manushyashareeram Oru Mahathbhutham – Dr. P.S. Vasudevan, 2007

2)      Various Health Magazines (English & Malayalam)

3)      WHO, Mayo Clinic, American Cancer Society, Tata Institute of Cancer  - websites

4)      Medicinatboolokam.blogspot.com

5)      Medindia.net

 

 

 

 

വയസ്സായാലും യുവാവായിരിക്കാന്‍

“Rest is rust” എന്നത് ഒരു സത്യമാണെങ്കില്‍, കൂടുതല്‍ വിശ്രമിക്കുനതും നമ്മെ "rust" ആക്കും എന്നത് ഏവര്‍ക്കും അറിയാവുന്ന കാര്യമാണ്. എങ്കിലും നമ്മുടെ സമൂഹം ആരോഗ്യകാര്യത്തില്‍ ശുഷ്കാന്തി ഇല്ലാത്തവരാണ് എന്നുള്ളത് അനിഷേധ്യമായ കാര്യമാണ്. ആരോഗ്യ കാര്യത്തില്‍ ശ്രദ്ധ വരുന്നത് ഏതെങ്കിലും രോഗം വരുമ്പോള്‍ മാത്രമാണ്. എല്ലാവര്ക്കും ആരോഗ്യം എന്നത് ഒരു സങ്കല്പ സ്വര്‍ഗം മാത്രമാണെങ്കിലും, കുറച്ചു ശ്രദ്ധിച്ചാല്‍, എല്ലാവര്ക്കും ശരീരത്തിനും മനസ്സിനും ആരോഗ്യം ഒരു പരിധി വരെ നേടാന്‍ സാധിക്കും. നമ്മുടെ വയസ്സ് മുന്നോട്ടു പോകുന്നത് തന്നെ ഓക്സീകരണം (oxidation ) എന്ന പ്രതിഭാസം മൂലമാണ്. സ്വതന്ത്ര രാഡിക്കല്സ് (free raadicals ) കൂടുന്നത് അതിനു പ്രോത്സാഹനം ആകുന്നു. മിതമായെങ്കിലും വ്യായാമം ചെയ്യുന്നവര്‍ക് പ്രതിരോധ ശക്തിയും കൂടിയിരിക്കും.

നമ്മുടെ സമൂഹത്തില്‍ നാല് വിഭാഗം മനുഷ്യരുണ്ട്‌.
1 ) ശരീരം വണ്ണം വെയ്ക്കാന്‍ ജിമ്മില്‍ പോയി വ്യായാമം ചെയ്യുന്നവര്‍,
2 ) ജീവിതശൈലീ രോഗങ്ങള്‍ തടയാന്‍ എന്തെങ്കിലും വ്യായാമം ചെയ്യുന്നവര്‍,
3 ) സാധാരണ ഐറോബിക് ഉള്‍പെടെ ഉള്ള വ്യായാമം ചെയ്യുന്നവര്‍.
4 ) ജീവിക്കാന്‍ വേണ്ടി കഠിനാധ്വാനം ചെയ്യുന്നവര്‍.

വയസ്സ് 90 ആയാലും ചെയ്യാവുന്ന രീതിയിലുള്ള ഐറോബിക് വ്യായാമം ആണ് എപ്പോഴും നല്ലത്. ജിമ്മില്‍ പോയി കിട്ടുന്ന മസിലുകള്‍ എപ്പോഴും നില നിര്ത്താന്‍, എല്ലാ പ്രായത്തിലും ജിമ്മില്‍ പോകാന്‍ പറ്റുമോ?. ശരാശരി 85 വയസു വരെ ആയുസ്സുള്ള, ആയുസ്സിന്റെ കാര്യത്തില്‍ ലോകത്തില്‍ ഏറ്റവും മുന്നിലുള്ള ജപ്പാനിലെ ഒക്കിനാവന്‍ ജനത (People living in Okinawa island ) ഒരിക്കലും ജിമ്മില്‍ പോകാറില്ല. 90 വസ്സിലും ആരോഗ്യത്തോടെ രോഗമില്ലാതെ അവര്‍ ജീവിക്കുന്നു. പക്ഷെ അവരുടെ വ്യായാമം എന്നുള്ളത് അവരുടെ ജീവിതം തന്നെ ആണ്. ഐറോബിക്, കരാട്ടെ, അധ്വാനം ഇവയൊക്കെ തന്നെ അവരുടെ വ്യായാമം. ജീവിത ശൈലീ രോഗങ്ങള്‍ തടയാന്‍ അവര്ക് പ്രത്യേകിച്ച് വ്യായാമം ചെയ്യണ്ട ആവശ്വം ഇല്ല.

ചിലര്‍ രോഗങ്ങള്‍ വരുമ്പോള്‍ മാത്രം രോഗത്തെ കുറിച്ച് ചിന്തിക്കുകയും, അത് നിയന്ത്രിക്കാന്‍ നിവൃത്തിയില്ല എന്ന് വരുമ്പോള്‍ വ്യായാമം ചെയ്യുന്നവര്‍ ആണ്. അത്രയും കാലം വ്യായാമം ചെയ്യുകയോ ഭക്ഷണം മിതമാക്കുകയോ ചെയ്യില്ല.

നമ്മുടെ നാട്ടില്‍ മുകളില്‍ പറഞ്ഞ നാല് തരക്കാരും ഉണ്ട്. 80 വയസ്സിലും ആരോഗ്യത്തോടെ ഇരിക്കുന്നവര്‍ ഉണ്ടെങ്കിലും നമ്മുടെ നാട്ടിലെ ശരാശരി ആയുസ്സ് 65 വയസ്സ് ആണ്. എല്ലാവരും ഭക്ഷണം വെജ് ആകണം എങ്കിലേ രോഗം ഇല്ലാത്ത അവസ്ഥ ഉണ്ടാകൂ എന്ന് ചിന്തിക്കുന്നവര്‍ ആണ്. വെജ് ഭക്ഷണം നല്ലതാണ്. പക്ഷെ ചുമന്ന മാംസം ഒഴിവാക്കി ചിക്കന്‍, മീന്‍ ഇവ വലിയ കുഴപ്പം ഉണ്ടാക്കുന്നില്ല. വെജ് തന്നെ കഴിച്ചാലേ രോഗം ഇല്ലതാകൂ എന്ന് ചിന്തിക്കുന്നത് തെറ്റാണു.

ഞങ്ങളുടെ നാട്ടിലെ ഒരു അച്ചായന്റെ കാര്യം ഓര്മ വരുന്നു. അച്ചായന്‍ മെലിഞ്ഞ ശരീരമുള്ള ആളാണ്‌. ഒരിക്കല്‍ ആ അച്ചായന്‍ അല്പം വിശ്രമിക്കുകയായിരുന്നു. ഞാന്‍ ചോദിച്ചു

അച്ചായന് എത്ര വയസ്സായി ?
വയസ്സ് എഴുപത്തിരണ്ട് - അച്ചായന്‍
എന്താ ജോലി ? ഞാന്‍
കൂലി വേല, അല്ലാതെന്താ - അച്ചായന്‍
ഭക്ഷണം? - ഞാന്‍
തിരിഞ്ഞു കടിക്കാത്ത എല്ലാം കഴിക്കും - അച്ചായന്‍
രോഗം വല്ലതും ഉണ്ടോ? - ഞാന്‍
ഇന്ന് വരെ ഇല്ല - അച്ചായന്‍
ഈ അച്ചായന്‍ ജീവിക്കാന്‍ വേണ്ടി കഠിനാധ്വാനം ചെയ്യുന്നവന്‍ ആണ്.

കൃത്രിമമായി തലമുടി കറപ്പിച്ചു, facial മുതലായവ ചെയ്തു ചെറുപ്പം ആയി നടക്കുന്നവര്‍ ആണ് നമ്മുടെ നാട്ടില്‍ കൂടുതല്‍. ശരീരത്തിന്റെയും മനസ്സിന്റെയും ആരോഗ്യം കാത്തു രക്ഷിച്ചു വയസ്സായാലും ചെറുപ്പമായി ഇരിക്കാന്‍ നമുക്ക് പരിശ്രമിക്കാം. free radicals , oxidation ഇവയില്‍ നിന്ന് രക്ഷപെടാന്‍ വ്യായാമം, മിതവും കൃത്യവും ആയ നല്ല ഭക്ഷണം ഇവ വഴി നേടാന്‍ നമുക്ക് പരിശ്രമിക്കാം.